لان ثانيك اني وانته ثانيني
احس اني بسكتك ماليه لسان
واحس كلي اسولف من تحاجيني
ردت مرة اكلك اكرهك موت
واحبك موت طلعت من شرايني
واذكر صحت اه ه ه ه وداكول شبيك
اتلعثم لساني وكتلك شبيني
يانبض الكلب يمرخص على الروح
ازاعل نفسي بيك وبيك اراضيني
من كد ما احبك بس اسولف بيك
ولاغيرك اجيبة بطارف لساني
اشوفك انته اني ومن ألك اشتاك
أكوم بكل جسارة أني أبوس أني
مركــــز للحســن وجناتك الحلوات
وشفافك للنحل صــــــــارن خليـة
تتأثر الوجنة بخطواتك اعلة الگاع
وتهتـز كـالجلـــي گـد مــا طرية
يآ كـلّش حلـو يا ورده وابســتان
يل بيك الجمـال يزيد يوميـه
يل نسبة جمـالك حيّرت العقـول
أول نسبـه تصعـد ألف بالميـه
ولأن كلّش حلو خافـوا عليـك تذوب
حطولك حمايـه ويّاك شمسيـه
يل كلّك صحيح وقالِبك مضبوط
يل هزات خصـرك مو طبيعيه
تمنيتك الي وبس انــــــــه ويــــاك
واعلمنك علي مـــــــــــــــن اعشك شلون
الكون شكبره صدله بعينك وشوف
من احضننك بدي غير اكـلب الكــــــــــون
وردت واحد يشبهك وامشي ويــاه
واسكت الجانوا بصــــــــــــــــــدك يكيفون
لكيته ومن لكوه يتمشه ويــــــــاي
كالوا هوه بس؟مــــــــــــــــونـفس العيون