سولف يا قلب

سولف يا كلب بسك حجي البسكوت .. سمعني احس سكتاتك طويلة
تعبني الصبر شترجة عود يصير .. وشحصل بدر من هم شناشيلة
صح لولة الصبر ما طاب جرح ايوب .. بس صبر النبي من يكدر يشيلة
صعبة الجان ضلك هسة يتعداك .. وجبيرة اليشتكيلك هسة تشكيلة
وذلة اليشتهي ترابك يدوس عليك .. وهضيمة المايجيلك انته تمشيلة
يا صبر الشمس يسحك عليهه اليل .. وتموت العصر والفجر تحييله
ما تنشف الكصتة من العرك نهران .. وما توكع النكطة شما تهفيلة
ثكيلة النكطة من توكع ولا تنشال .. بس ممكن جبل من يوكع تشيلة
سولف يا كلب منك صبر ماريد .. سهران الخلك خل يسمع احجيلة
اريدن شهر زادك ما تضوك النوم ..وليلة تصير اريدن من الف ليلة
ليش الي تحبة يصير الك دفان .. ينبش من وراك وانته تبنيلة
علمني الزمن موت الدمع بالعيد .. وعاشور اليمرني عيوني ابديلة
والليل على حك لو تعبة الناطور .. والينوخذ حكة تلوكلة الشيلة
وبس هاي الزمن ما نصح بيهه وياي .. ما عد الزلم لمن سرج خيلة
حط اعنانهن بيد الردي يا حيف .. والجربة صهلت والسكتت اكحيلة
ولا تهاب اليجيك وطبعة طبع الجام .. بس هاب اليجي وحيل الزلم حيلة
ولا يغرك العكرب اعمة من الراس ..ما يحمل بلة بس البلة بذيلة
وتتجه على جفك لو طحت وتكوم .. بس لو طاح جفك من يتجيلة
دكون الراح يرجع هسة حتة يشوف .. انسان اليذلنة شلون ندعيلة
الهم ربي تحفضة بس بسكوت .. نلفضهه دخيلك لا تعديلة


منقول

ردتاكتب قصيده وبيه اوصفك كون
وردت من القصيده اتسولف بكونك
كضيت القلم وعليه اوصف بيك
كتله اكتب احبك مو يحبونك
غافلني القلم تدري اشطلع مكتوب
ما كا تب احبك كا تب اعيونك


اتمنى تعجبكم هذه الاشعار لان هي عجبتني وحبيت انقلها للمنتدى