مو زليخه مرايتك ......(غزل من نوع خاص)

انت من تمشي الحسن يتغنه بيك

وبس عليك الورد يقبل ينشمر

وانت وحدك دربك يصفك وراك

ويسكر بطبعات جدمك من تمر

شكد كصير الليل من صار بكفاك

وطال من انطيته من شعرك شبر

لاتلوم البلبل الحط اعله اديك

انت شايل غصن ماشايل خصر

ولاتلوم النحل من يلتم عليك

ولاتلوم البيك رايد ينتحر

عمر ناسك جاي يكصر من تغيب

اشلون بالله اريد من عندك عمر

لاتلوم مرايتك من تشتهيك

يل شلت بعيونك انواع السحر

مو زليخه مرايتك بس من هواك

كامت وشكت قميصك من دبر

كل زراك الدنيه بعيونك لكوه

وشوفيت الشافك نجوم الظهر

رطب لبس شفايفك بس مدري ليش

من تعض اعليهن ايلبسن تمر

ولاتلوم الريح من تحجي بشذاك

الليل يذبل من يدك بابه الفجر

الكاع تغتث من جدم غيرك اكيد

لجن يمك كامت وكتبت شعر

السطر يم غيرك ينام بكل هدوء

وانت وحدك دوخت راس السطر

ثلج طبعك من تمر تزرعنه نار

انت هم سامع ثلج يزرع جمر

وانت منك خذو كل عطر الورود

تدري كلنه نموت من تحط عطر

طبعا هاي اول مشاركه الي هنا با المنتدى بس على العموم شعر حلوووو وتقبلي مروري

تسلم لمرورك الجميل ونتمنى منك التواصل بالمنتدى وتشارك ويانه وننتظر جديدك القادم

الله الله شعر يخبل

مشكوره عذراء .. روووووعه

وانت وحدك دربك يصفك وراك

ويسكر بطبعات جدمك من تمر

روعة الكلمات دليل على روعة الكاتب

تقبلي مروري

لاتلوم البلبل الحط اعله اديك

انت شايل غصن ماشايل خصر

اختي عذراء

كلام في قمة الروعة والتميز

دمتي ودام عطاءك لنا

كان هنا بين جدران متصفحك

امبراطور الغرام ورحل

شكرا لمرورك امبراطور الغرام وعلى ردك الجميل سعدت جدران موضوعي بمرورك الرائع