لاترجع ابد موشرط اعيش وياك
بدونك عايش انه وكلشي ماهمني
صح بعدك بجيت وصح ذرفت دموع
وصح العبره صارت حيل تخنكني
لكن مامتت بس حبك انت المات
هذا كبالك انه الضحكه رسمتني
عشت وياك أمن ماعرفتك هيج
تنطر لحظه عينك ناويه تذلني
ليش بياسبب ؟؟ حاجيني صوتك وين؟
برر كل جريمة شوك ذبحتني
اذا تطلب جنت من روحي روح انطيك
واضملك عيني اخاف النوب تطلبني
جنت اسهر سهر ماعرف مثله الليل
اظل متاني صوتك حته يحضني
حرام شكد ظلمت جروحي بيدك هاي
اكلك فدوه كافي شبيك تظلمني
تضحك انت عادي ..وانه دمعي يسيل
رووووح الخاطر الله ارجوك فاركني
شسوي بحبك انه وانت كومه تراب
وبكلبك ملح ..ميفيد تزرعني
عزيزه دموعي ذيج النزلت بفركاك
يادمعي العزيز بداعتي اعذرني
وكلبي شكد ظلمتك ماقصدت ااذيك
خجلان انه منك فدوه صدكني
وانت ابعد علي لوهسه اموت هنا
ماتانيك ابد خليك هاجرني
واذا كل جسمي صاحك حته أليه تعود
اترك جسمي انه وانهزم مني
الأربعاء يناير 13, 2010 6:45 am
