اليوم اول موضوع انزله ونشاء الله يعجبكم
قصيده عن العشائر السماوه بعض الابيات
عنوان القصيده نخوة عشائر
(الشاعر محسن الخياط)
(السماوي)
روحي اتواخذت يالماتحن الهه
مثل عودة زرع راﭽـبهه منجلهه
* * *
رﭽـبهة المنجل وحاصود لاويها
والف عونة حصاد اتهوس اعليها
تكولب مال حاضر صبخة حريها
وغدة ايضيع الفرس ريعان عاذلها
* * *
عاذلها تنيح والزم السكان
وانا برجلية رحة وناحرت موحان
تاركني الوكت والصبر واحضيضان
وكل ربعي هذيج الجنت اجاملها
* * *
اجاملها جنت ومكرم ومعزوز
واكرم بالعزيزة ابغير ﭽـيل وروز
تاليهه حمه اﭽـويريدهه ابتموز
ثـﮔـبت والربيع ولا يلحجلهه
* * *
اشيلحجلهه وسهم باجيهه صم ارماد
ثالث دخل بيهه وصار بيهه اعناد
حشمت العطاوة وعبس وآل زياد
والبركات والصفران رحتلهه
* * *
رحتلهه ورحت مثل المضيع نوﮒ
عدكم يال غانم يشتكي المبيوﮒ
عدكم من عـﮔـب ما روح لال صفوﮒ
يالزرﮔـان عدكم عيني اوشلهه
* * *
اوشلهه واماطل بالكعد تغريب
اوّجي اعله الخزاعل انشد اعله الطيب
شتسوي الغزاله التوهه تبغي اتجيب
والـﭽـيله اجتهه ابحد مفاصلهه
الأربعاء مارس 23, 2011 1:04 am