عدد الرسائل : 13 العمر : 56 نقاط : 23483 تاريخ التسجيل : 04/07/2011
موضوع: ايكولون باجر شمس!راوئع الشاعر حسين الساعدي الإثنين يوليو 04, 2011 6:32 pm
[size=21][size=25]ايكَولون!!!!
ايكَولون باجر شمس تطلع على الديره ويمر قطار العرس ياخذ نواطيره ونتعلم البسمات ونودع الدمعات ويروح ضيم الأمس هوَ وتصاويره ايكَولون باجر شمس تطلع على الديره
-----
وين الله ننسه القهر ياواحة الامال من بعد ذاك الصبر تتعدل الاحوال! ياليل جيب الصدى من يصدح الموال وَصلَه ومضة أمل للعايش ابحيره ايكَولون باجر شمس تطلع على الديره
-----
ماله مضيف الكرم شو دمعته ابعينه ابلا كَهوة بس الدمع تارس فناجينه! يازمن وك يازمن للماضي رد بينه الريحة اَهلنه وطن طار ابجنح طيره ايكَولون باجر شمس تطلع على الديره
-----
واقع وَكِتنه وَكِح عالمنه مو عالم المظلوم من انذبح صَفكَوا للظالم والفوز للما نجح! والدمعة للفاهم! والضحكة طلعت جذب وانغشت الليره ايكَولون باجر شمس تطلع على الديره
----- ايكَولون باجر شمس تطلع على الديره ويمر قطار العرس ياخذ نواطيره