سواديني على حبهه او ما انام الليل
ام عيون سودة او كلبي سابيته
اذا من ندى شفاهه يلوح وجه الكاع
اخبطه اويه التراب ايصير جكليته
هزهه الشوك امس دكت عليه الباب
او يدك بيباني جفهه اسنين تا نيته
فتحت الباب بس من كثر ما فرحان
صم جكليت عمري عليهه طشيته
كعدنه ابسكته بس فاضحنه صوت البوس
او شفه ابحلك شفه الليل كظيته
خلكي الجان نايم صار حفنه اسنين
على صوت المباوس كاعد الكيته
لعبت ابخدهه طوبه ابكثر ما مشتاك
جمرنيران شوكي ابخدهه طفيته
وسمع خدهه يحجي ويه نفسه يكول
هلمجنون هذا اشجابنه البيته
اومن راحت كمت من حلكي مدري اشطاح
شفته اولن حلكهه ابحلكي نا سيته
الأحد أغسطس 17, 2008 5:13 am