ملتقى السماوة

ملتقى شباب وعشاق السماوة
 
الرئيسيةس .و .جالأعضاءالمجموعاتبحـثالتسجيلدخول

شاطر | 
 

 قصيدة الوطن........ راح اتهز مشاعرك صدكني

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
قاضي الحب
سماوي متميز وذواق
سماوي متميز وذواق
avatar

عدد الرسائل : 109
نقاط : 18418
تاريخ التسجيل : 26/10/2007

مُساهمةموضوع: قصيدة الوطن........ راح اتهز مشاعرك صدكني   الثلاثاء نوفمبر 06, 2007 4:09 pm

الوطن بستان وفلح .. وريحة عنبر المشخاب
الوطن كركورة طفل يلعب .. و يختل وره الباب
الوطن رطب برحي .. وجرف يحضن الخنياب
الوطن شعر شعبي .. وقصيدة ونظم سيّاب
الوطن وادي وجبل .. هور ونخل وحْباب
الوطن خاوه الحزن من حجّاج.. ولسه ما نعرف الأسباب
السبب دم الطفل وحسين.. ووياهم جثير أسباب
وما ينفك هلحزن يا ناس .. لمن يطلع إمام الغاب
***

الوطن ناي إبحلك عازف توالي الليل
الوطن مهرة إمعضّله إتسابك الخيل
الوطن مزيونه إمعطره أبريحة الهيل
الوطن كَمر صافي يحلّي السهر بالليل
الوطن خِضار وسما وزركَة إسهيل
الوطن مثل المريض الشفة ورد بيه حيل
****
الوطن كَفلة إحديثات يملن ماي
الوطن قيثارة ولحن بالناي
الوطن ريحة هيل وسط الجاي
الوطن هور وزلال الماي
الوطن مضيف ونخل وفياي
وبْلايه الوطن تبقى تطك هاي أبهاي
****

الوطن رمان العطيشي... وبرتقال ابشهربان
الوطن ركًي الموصل .. عطر النجف بالليوان
الوطن تمر الفاو .. ومنارة إبفلوجة الشجعان
الوطن ناعور راوه وهيت .. إبطرف بستان
الوطن تاريخ الزلم .. يا نكَرة السلمان
الوطن أم وحضن ... للخايف وبردان
****

الوطن يا خي موال وقصيدة وهلاهل
الوطن يا بيت الشَعَر ياقصر الشناشل
الوطن صوباط العنب يا صوت البلابل
ياوطن سلـّوك إبحجة كذبة الشامل
الوطن يا خي بيت وشرف للي يستاهل
الوطن يرفس كل عميل وخاين وعايل
الوطن كاعد علنفط.. عيب إيعيش أهله عللفلافل؟
عيب إيعيش أهله عللفلافل
عيب إيعيش أهله عللفلافل
****
الوطن جكليت وهلاهل دوم
الوطن جوبي وهجع ودبكة كلدانية
الوطن صبة وشبك أحرار
الوطن آشور وشيعة ويزيدية
الوطن عيد وصلاة وصوم
يجمعنا الوطن ، إسلام ومسيحية
الوطن كوت وموصل وكركوك
والمشخاب تحضن سليمانية
الوطن نخل البصرة والعشار
وتين من الجبل للحلوة راوية
الوطن عرس وأخوة دوم
والكاكا لو عرّس ، يخطب كربلائية
وابن العاصمة يصيف بأربيل
ويشوي ابن العمارة سمجة بنية
ولو عبد المسيح يحتاج للجيران
توكفلة أم حمود وهية سنية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.b7ooth.net/forum/
misary
ملك ملتقى السماوة
ملك ملتقى السماوة
avatar

عدد الرسائل : 752
العمر : 47
نقاط : 18469
تاريخ التسجيل : 09/12/2007

مُساهمةموضوع: رد: قصيدة الوطن........ راح اتهز مشاعرك صدكني   الإثنين مارس 10, 2008 12:43 pm

[size=24]مشكوووووووووووور ياورده تحياتي[/size]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصيدة الوطن........ راح اتهز مشاعرك صدكني
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ملتقى السماوة :: القسم الادبي :: شعر شعبي-
انتقل الى: