ابن العراق
ذولة ولد العراق المافرح فد يوم
بس بيهم زارت الفرحة اهلنة
سباع والله وبيهم شدت الحيل
يكول الخصم ذولة ذياب تاكلنة
نور البطل عفية وثلثت انعام
بيك الامل ياحامي هدفنة
وباسم جبل واكف كبال الكول
ويافنة اليعبرة والف فنة
وجاسم عالهدف لازم حراسات
وين الماخذ الطوبة منة
وعلي حياك يا اسد ياضرغام
يصد هجمات الخصم ويردهة النة
وحيدر بالدفاع مأمن الاجواء
حيو ابن العراق وحيو لاعبنة
الاسمراني فن وذوق واخلاق
منير اليوم منورالنة دربنة
وهوار صقر الملاعب بطل مغوار
بطوبة حلوة نشف كل دمعنة
ومهدي الساحة باسمة يصول ويجول
ويعزف باللعب انغام ويلحنة
نشات عزم واصرار واتقان
والطوبة منة ذهب يامحلى فنة
كرار العراق يصيح ياكرار
سجل الهدف يلة وعلي رايتنا
ويونس نعم الاسم حياك ياسفاح
بالراس يلة الهدف جيبلنة
انتو الامل والله وبيكم رفعة الراس
وعلمتو الملاعب ياهي غيرتنة
لك هذا العراق المايرضة بالفوز
يكول اليوم هذا الكاس النة
سجل بالقلم وسطر يتاريخ
عمر الملاعب جابت مثل لاعبنة ؟
الثلاثاء نوفمبر 06, 2007 4:25 pm
