اجمل لابوذيات

[size=18]معاد الناس كلهة وانتة أصلي
مثل غصن بفروعك وانتة أصلي
راح اوكف ابابك وانتة اصلي
وكل طلقة التجيني ضماد الية

قدر مكتوب حبك وانتة قسمة
الواحد مالة ناتج من تقسمة
لون بسيوف كلبي من تقسمة
دشوف معزتك شنو امسوية بية

عليك اصغار تسالني والكبار
وانا المتقي بحبك والك بار
الك كنيسة بنص كلبي والك بار
تصلي وتسكر وتخطب عليـــه

احب جفنك واحب عينك ورمشاك
واضل طول العمر امشي وره امشاك
اذا تكطع مراسيلك ورمشاك
اسويها معارك طائفيه

وگع گلبي بغرامك ماتشيله
وجرح شوگ البيه ماتشيله
اخابر وأنته تسمع ماتشيله
ولك هالروح ماتحمل أذيه

حبيتك واصبحت ابغير .. عالم
ورب العرش يشـهدلـي .. وعالم
طالب اني عندك وانت .. عالم
تشرحلي وترد تمتحن بيـه

[/size]