ملتقى السماوة

ملتقى شباب وعشاق السماوة
 
الرئيسيةس .و .جالأعضاءالمجموعاتبحـثالتسجيلدخول

شاطر | 
 

 عاذرك/ شعر عريان السيد خلف

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
sajahellol
ملك ملتقى السماوة
ملك ملتقى السماوة
avatar

عدد الرسائل : 504
العمر : 30
نقاط : 18459
تاريخ التسجيل : 09/08/2007

مُساهمةموضوع: عاذرك/ شعر عريان السيد خلف   الثلاثاء أغسطس 28, 2007 5:24 am

عاذرك


--------------------------------------------------------------------------------



كاسرت عمري اعله عمرك

كطعت ليش . . وحِـركتك

جويه مني وجويه منّك

ونتشيت . . استاهلك . . شهكة عوافي

وخيّبت ظني . . وصدك ويّاي ظنك

ماكلت عنك . . عرك جفّك ابجفّي

ولا كلت جاسك زعل . .

واشتعل دمي ابنار دمّك

أصعر . . وتستسهل . . اتشاغل خيالي

وياخذك غيّك . . خرز خلخال . . تِـطّــشّـر وألمّك

ومدري ليش . . أتمايزك وردة اكرنفل

اِتّيه روحي ابريحتك . .

واحتار من ياصفحه اشمّك

أختلي ابحسنك . . وافج كلبي واطلعك

تلعب ابعمري . . وخاف الغير يندلّـك وأضمّك

خاف تاخذني . . اعله بستانك فرحِتي . .

وخاف تكبر حيرتي . .

وحسنك يغرّك

خاف تِطشّر ولك . . وشلون المّك ! ؟

كالو : ايحبك ! !

كلت من شاف كلبه ؟

وجبّست دمعي . .

وسكن نبض الكلب . .

عن لا يذمّك

تِرسْ جفّي . . اسوالفك وحده اعله وحده

وعرك جيدك زمزمي . .

وخجلان تتعذّر !

واكلّك : لايهمّك

من تجِسني اشفايفك

تاخذني غيبه !

ومن تِرِشْني ابمزنِتَك . . ولهان افز . .

لن روحي يمّك ؟

اختلي ابحسنك . . وأفج كلبي واطلعك

تلعب ابعمري . . وخاف الغير يندلّك وأضمّك

وخاف تطّشّر خرز . .

وشلون المّك ؟

اشجان ضرّك . .

تختصر بعدك عليه ؟

وكلّي شكرات وحمد

للمختصر . . حسنك ابخصرك

تشرب معافي . . حناني ولهفتي

وتسكر ابدمي . .

وتنتشي ابغيّ الشذى . .

وتتعزّل اعزال من اجرّك

من جمعني وياك ؟

من شدني . . ويه طولك . .

طعّمك بيّه

وصرت حلوك ومرّك

لنها ما بالغبشه . . غبشه . . ابغير عينك

خاف اترزبيك .. حد كطع النفس

وازهك واضرك !

خاف تطشر خرز ..

وشلون المك ؟

ومن كبل .. كل شوكه عمري من الطوارف

حسبت مثل الوداد .. الفات ودك

من كبل .. وآنه الورع كحل اجفوني

وجنت اظن :

وكت التهد بيه روحي اهدك ..

لني كلما فززن صبري الليالي ..

وخان وكتي

اتوسلك .. هدوة كت خليني عندك

اوعاذرك .. لو هدل عودك ..

من كدر يحمل حسن مثلك وكدك ؟

غاذرك تغلط ابحكي ..

وتبخل ابظلك على النايم ابسدك

عاذرك تغتاض ..

بس من غير شاره ..

وشارتك هالبينت

ودخيل جدك

عاذرك .. عن لايهم كلبك ابهمي

وتنترس عينك دمع

وتنترس عينك دمع

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
misary
ملك ملتقى السماوة
ملك ملتقى السماوة
avatar

عدد الرسائل : 752
العمر : 46
نقاط : 17859
تاريخ التسجيل : 09/12/2007

مُساهمةموضوع: رد: عاذرك/ شعر عريان السيد خلف   الإثنين مارس 10, 2008 12:50 pm

مشكوووووووووووووووووره ورده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
عاذرك/ شعر عريان السيد خلف
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ملتقى السماوة :: القسم الادبي :: شعر شعبي-
انتقل الى: