ابوذيات لمحبي السماوة

العسل جمع حلاتك كونك انت
اذا توشيبا انـــــــــه كونك انت
كون انضرب طلقـــه كونك انت
الطلقه التطب كلبي وتبقى بيه

كبل عنقود خــــــدك يمي داني
صطيت وجفن عينك يمي داني
اغـــــم كصتي واصيحن يمداني
يمي وماخذت ثاري بديه

انــــــــه المايوم بعتك ونته داري
وصــــرت كلاده لجلك وانته داري
هلي والناس انتــــــه ونته داري
واساسك مو دغش غيره وخويه

احـــــد وامضى من صمصام طرفاك
وفتك ودعه بسويد احشاي طرفاك
نحب توصل طرفنـــــه ونصل طرفاك
غصبن عل عذول الشمت بيه

يناهي ليه سبب جعدك محل ليل
وبعض مـــن نور وجناتك محل ليل
اذا كتل المحب عدكـــــــم محليل
الرحم يهل الرحم رافه بيه

اجي لحضرت جنابك ورده منه
وحالي حال خصرك وارده منه
خدك ردت اكطــــــع ورده منه
بشافي وسيف لحضك فتك بيه

اجفوفي مكطعه ابلحظك اجرمن
وبحبك بعــــــــــد ما اكدر اجرمن
الصلى والصام ما حصل اجر من
يحيى العاشك بوكت المنيه

طبعك مــــو شجي وكتلك شجاني
اشجنيت وياك شـــــوكلي شجاني
امس جنت انحضن وانشم شجاني
كنفذ والحضن حسره عليه

انه الناطح سحاب الغيض صيداه
ونه الجفه تلكـــــــه الريح صيداه
انه الحارت شماته شلون صيداه
الشبج والدان مانفعوش بيه

انه الطارق حملتـــه ابيد وبيد
يذبل كل هـــــــزل ماريد وبيد
جثل كلت المصيبه اصير وبيد
عجب يحمود ليش اتخون بيه

بسحر عينك يامه عكل فريت
وعليه اشكثر بلـــــدان فريت
سهم هجرك وصلتي وفريت
من صوت الشماته العال بيه

بصدري اقبلت سهمك وصديت
وتلفان بأثر بعــــــــدك وصديت
بغيرك ما رضيت انــــه وصديت
لنارك لونك تشعلها بيه

الله الله الله شنو هالابداع شنو انت ياقوت ؟

البس كل الناس .... ودوس على اكبر راس .... مو لانك ذهب لانك عراقي ترفع الراس

مشكورة على الابداع المتواصل منك ياقوت القلوب

يسلمووووووووو حلوين

مشكوره على ابداعج يامبدعه

مشكوره يالغاليه
كلك ذوق واحساس