ملتقى السماوة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

ملتقى السماوة

ملتقى شباب وعشاق السماوة
 
الرئيسيةأحدث الصورالتسجيلدخول

 

 دارميات كلش حلوة

اذهب الى الأسفل 
4 مشترك
كاتب الموضوعرسالة
قوت القلوب
تاج ملتقى السماوة
تاج ملتقى السماوة
قوت القلوب


عدد الرسائل : 443
العمر : 39
نقاط : 30555
تاريخ التسجيل : 11/08/2007

دارميات  كلش  حلوة Empty
مُساهمةموضوع: دارميات كلش حلوة   دارميات  كلش  حلوة Icon_minitimeالأحد مارس 30, 2008 8:57 am


دارميات حلووووووووووووة قسم الاول يستحق التثبيت

شكتب شلملم بيك واوصافـــــــــــــك هواي
اصبر واشوف شلون حكـــــــــــــم الله وياي

بسك تعذب الروح والجســــــــــــــــــد هايم
خلي ضميرك حي لتركـــــــــــــــــــــه نايم

وجهك ثلج والعين مخلوقـــــــــــه مــــن نار
لهذا السبب معــــــــذور دمعـــــــك نزل حار

اتمنى روحي تصيــــــر خبــــــــــزه بفرنكم
ولمن تجيســـــــه النار يصــــــــــرخ احبكم

كون القلب بيه باب يفتــــــــــــــــح واواريك
جا كلت عفيه عليك دم ولحـــــــــــــــم بيك

يا روح وني بحـــــــــــــــــــزن راح التودينه
ويا عين صبي دمع ما ظـــــــــن تشوفينه

روحي نتي والشريان وهـــيكلي العظمي
يشهدلي رب الكـــــــــــــــون حبج بدمي

كون الله واهل البيت وحيـــــــــــدر الكرار
يرجع حبيب الروح واتبلــــــــــــــه اشعار

مشيتك مشية ريم بيك انـــــــــــه هايم
تهده يبعد الروحوارحــــــــــــــــم الوادم

عيونك سواد الليل شعــــــــرك بريسم
وشفافك الحلـــــــوات لجروحي بلسم

شعرك سواد الليل والشفــــــه ياقوت
ولو مرة امص اشفاك موت الله ماموت

شفافك طعمهن هيل والوجنـــــه تفاح
اكضي العمر وياك اشتغـــــــــــل فلاح

اتباها من اتفوت واصـــــــــرخ بأسمك
مايمشي فوك الكاع عالكلـــب جدمك

ردتك حقيقه اتصير ماتمـــــــــر ذكره
ومن حسنـــك الفتان تستحي العذره

قسمه وقدر مكتوب انــــــــه هويتك
بعت العمر بتراب لمــــــــــن شريتك

عيونك ترامي اسهام وتصبـــت والله
ولو رحت للدكتـــــــــور كلي شكله

حبتك هاي الروح ما تحــــــب غيرك
اتمنه يمي اتصير واشتـــــم عبيرك

لا واشي لا نمام يدخــــــــــل عليه
اهلا و سهلا بيك مــــــــن تطب ليه

احاه جوتني النار احاه تجـــــــــويت
يا فرحت الشمات المنهـــــــه ذليت

يلي تنكـــــط الماي غمضني وطلع
تسكتلي النسوان لا واشي يسمع

خل تفزع الشمات فزعــــــه جبيره
بس انته كون اوياي اكسـر عشيره

ميــــــت والمعزيات مــوش امهاته
بالكلب فرحانات يبجــــــن شملته

اصفك الراح براح واتسلـــــه بالراح
خايف اكولــــن راح شماتي ترتاح

اجلد ابممشاي ناحـــــــــــل تراني
خوفي من الشمات مو من زماني

شماتي مو شمات شماتي مني
ما همني الجتال همني الــدفني

لا تهتم على الراح وي همك الراح
والعالي مو بالطــول بالصبر ينلاح

اتمنى كون ايصير لحدي اويا لحدك
او من يطلع الدفان اقعـــد وقعدك

سبحانه من سواك نص وجهك اعيون
ازغير سبيت الناس مـــن تكبر اشلون

انت العطش والماي وانــت المشوفه
ورسمج وحق عيناج بالكاس اشوفه

مبخوت اظل للشيب يافلان اذكرك
اوينكرني نور العين من كون انكرك

هم حلو وهم ازغير هـــم ازرك عيون
بس بيه طبع موزين من يوعد ايخون

ارد انشدك وارجوك صارحني يا هواي
تذكرني لو غصيت من تشــرب الماي

نارك يخايب ماي مــــــــــو مثل ناري
اومن يطري بيا الشوق يحترق جاري

بالك تقول الاه يا خـــــــــــــــويا بالك
كل التقوله ايصيـــــــــر روحي ابدلك

بيدك ضيعـــــــــــــــــت ديك الليالي
وبلحظه ما اجى ابعينـــــــــك دلالي

شقيت ثوبي اعليك وصلتــه للنص
جاوين قلبك اوياي صاير مثل جص

ارد انشد الصباغ هم يصبـــغ اقلوب
اصبغ دليلي اعليك واحزن فرد نوب

الدنيا بس وياي شـــــــــدت عداوه
ولا واحد امن الناس لجروحي داوه

اوقف يبعـــد الــــــــروح اوياك الحساب
سافر او جرحي اينوح ليهسى ما طاب

اشمالك يبعد الروح لونـــــك تغير
عندي خوات اهواي طـب اوتخير

جاشلي بالخــــــــوان و الماينفعون
عود امن اموت ايجون ويا اليشيعون

يسألني البطــران حالك اشلونه
الغاضب الله اعليه هم بنشدونه

عبالي طيب الزاد واعطيتك اعيون
تالي تـــــــــوج النار ويا اليكرهون

علمني عالنســـيان ارد انسى ضيمك
وي غيري قمره اتصير حصتي ضيمك

سبحان امن خلاك تقسي ابغرامك
جانك اتداوي اجروح رقـــت كلامك

سباحه لك بالروح خضري اوطريه
تسقيها من تشتاق وتمــــر عليه

حط باللين تيزاب مجبـــــــــور اشربه
بس لا اشوفك يوم تمشي وي غربه

يسألني البطران تشرب عرــــق ليش
هم سقم هم فراق هم لوعة الجيش

يسألني البطران ليــش وجهك اصفر
ما يدري على المحبوب قلبي تفطر

الدنيا ما تسواش لا تصفن الها
عالطيب والمزيون يكثر حملها

يا ماخذين الولف اولفي وريـــــــد اوياه
ما نام لليل الشتي اومقدر على فرقاه

يسألني البطران ليش راســـــك اكرع
ما يدري على الحلوين شعري تشلع

الدنيا بس اوياي صـــــــــــارت حريصه
او من سلة المكتوم تطلع لي شيصه

ارد اسال العراف واهــــــــل القوافي
ليش الحجاب ايلوق للوجــــه صافي

سلم ولو بالعيـــــــن تكفي الاشاره
روحي ابتلت بهــــواك سويلي جاره

همي الليالي اتعود واتعاتـــب اوياك
احجاية للشمـــــــات خلاني فرقاك

مو كلشي نتمناه يوكـــــــــع بدينه
احنه السفن والريح تلعـــــب علينه

اخذله دمع العين واصعــــــد للازرك
لو ينعل الشيطان لو يجســـم الحك

كلجن يمظلومـــات للكاظـــــم امشن
ويم سيد السادات فكـــــــــن حزنجن

سنن سيوفه وياي دهــــري وذبحني
وفوك الذبح والضيـــــم ولفي هجرني

كلمن يحب ينكال حــــــــــــب تمرمر
كلبه انجرح جرحين مو ميــــــــه اكثر

انهجم بيت الليل هالطولــــــه بجفاك
شو يمر مثل الطيف مـــن اكعد وياك

اشما تريد تجور تخســـــــــه الليالي
وموش اول المركاض الفخـــــر تالي

صح انت عني بعيد من تحسب امتار
بس انته وسط الروح مبنيــه الك دار

ربيته ردته يصيــــر لجروحي بلسم
لمن كبرت وصار جرثومــــــه بالدم

هذا الوكت غدار بالصاحـــــــب يميل
شد للجلاب سروج مــن كلت الخيل

الخوه منبع طيب وانته مـــن اهلهه
وليزرع الطيبات يحصــــــــــد مثلهه

كلما تعذب الروح ارضه انـــه يهواي
بلحشر بلكي يطول مـوكافك وياي

ناذر وحق عيناك لو اشـم ياســـــك
شوباش اطش عمري اعله راسـك

خل نكعد اني وياك ياهو اكثر هموم
همي بكثر دنياي والباقي مـضموم

تدري شكثر يهواك كلبي ويحن ليك
وذاك انته دوم وياي حنيـــه ما بيك

جربتك اني هواي كل رجــوه ما بيك
ولساني اكصه انوب لو هم يحاجيك

همك و هم الناس وهم هــــــــــم الايام
وفوكاها هم العين ما تقبــــــــــــل تنام

متعجب المهموم يشــــــــــــرب جكاره
كلبي بكثر ما نــــــــــــوح تجويني ناره

شحجي وتريد الناس من عندي احجي
دمعتي ابطرف العين بس احجي ابجي

لا تسأل اعله الحال خليــــــــها سكته
تسأل على المكتول والكاتــــــــل انته

اريد ابجي يخوتي وشاهــــــدي وياي
على الوادي بجيت وحرميــــت الماي

هواي اريد هواي هــــــــــــواي اريده
ما اكوم انا مناه الا ايــــــــــــدي بيده

يا سمر فراقك ليـــش روحي جرحها
صابر ودمع العين غصبـــــن فضحها

يال ما دريت اشصار اوقــــف واقلك
حال اليتيم عن تهون عن حال خلك

يا خلي لو صديــــــت فلبي يريدك
موت وحياة الروح يا خلي بيـــــدك

خاف الله يالمريـــــــت ما كلمتني
ليتك حكيت اوياي لــــو شتمتني

يوم انا اخس من يوم لو كان تدري
هذي ثلاث اشهور منتــه علخبري

الما ينام الليل علــــــه على عله
العيشه عقب اهواي عيشه مذله

يا خلي لو مريت سلـــــــم عليه
كل السبب ذولاك انا اش بيديـــه

جيتك بقايا انسان ايدي على خدي
قلبك صخر مالان يالعفــــــت ودي

ترجع ترد الروح يا كامــــل الزين
انا ارداموت اليوم وتقلي بعدين

حقي من احامي اعليج يا شجرة التين
ماي الربيتي اعليه من دمعـــــة العين

الغربه من الناس راودتني اشــــــكال
والكذب لو بفلوس ما ظنــــــــه ينكال

الغربه زين وشين ذبــــــــــــت عليه
والعيشه وي بـــــــــــــذات اكبر بليه

خليتك ابسرداب فوكه متـــــــر صب
صبح الواشي وياك مـــن يا كتر طب

عود انه مثل الناس هم عندي بطه
راحت تغط بالماي والغطـــــه غطه








الرجوع الى أعلى الصفحة اذهب الى الأسفل
https://samawa.ahlamontada.com
هيثم
سماوي متميز وذواق
سماوي متميز وذواق
هيثم


عدد الرسائل : 102
نقاط : 30252
تاريخ التسجيل : 07/09/2007

دارميات  كلش  حلوة Empty
مُساهمةموضوع: رد: دارميات كلش حلوة   دارميات  كلش  حلوة Icon_minitimeالأربعاء أبريل 09, 2008 8:15 am


تسلمسن يامبدعة وياوردة انت ياقوت القلوب
الرجوع الى أعلى الصفحة اذهب الى الأسفل
misary
ملك ملتقى السماوة
ملك ملتقى السماوة
misary


عدد الرسائل : 752
العمر : 53
نقاط : 30069
تاريخ التسجيل : 09/12/2007

دارميات  كلش  حلوة Empty
مُساهمةموضوع: رد: دارميات كلش حلوة   دارميات  كلش  حلوة Icon_minitimeالأحد يوليو 26, 2009 3:42 pm

تسلمين ياورده
الرجوع الى أعلى الصفحة اذهب الى الأسفل
عسل
سماوي شعلة من نار
سماوي شعلة من نار
عسل


عدد الرسائل : 77
العمر : 36
نقاط : 28505
تاريخ التسجيل : 01/09/2008

دارميات  كلش  حلوة Empty
مُساهمةموضوع: رد: دارميات كلش حلوة   دارميات  كلش  حلوة Icon_minitimeالأحد أغسطس 23, 2009 3:02 pm

تسلمين على جهودج ياطيبه
سلامي وي الطير لارض السماوه احبابي مشتاقتلكم بكد السما هههههههههههههههه
الرجوع الى أعلى الصفحة اذهب الى الأسفل
 
دارميات كلش حلوة
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
ملتقى السماوة :: القسم الادبي :: دارميات و ابوذيات-
انتقل الى: