ملتقى السماوة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

ملتقى السماوة

ملتقى شباب وعشاق السماوة
 
الرئيسيةالتسجيلدخول

 

 بعض الدارميات الغزليه

اذهب الى الأسفل 
كاتب الموضوعرسالة
وحيد_يا_زمان
سماوي يشتغل
سماوي يشتغل
وحيد_يا_زمان

عدد الرسائل : 11
العمر : 39
نقاط : 18546
تاريخ التسجيل : 22/03/2011

بعض الدارميات الغزليه  Empty
مُساهمةموضوع: بعض الدارميات الغزليه    بعض الدارميات الغزليه  Icon_minitimeالأربعاء مارس 23, 2011 1:23 am



بعض الدارميات الغزليه  9

سبحانه من سـواك نص وجهك إعيــون
إزغيــر سبيت الناس من تكبر شلون


ارد انشد الصباغ هم يصبغ اكَــلوب
اصبغ دليلي اعليك واحزن فرد نوب



سـلَم ولَو بالعين تكفي الإشــاره
روحي إبتلت بهواك .. سويلي جـاره


كل ما يجي الليل أذكر وفـاكم
واذكر محاشي الطيب وابجي أبرهاكم


شلونـك.. شلون الدار .. وشلون الأحباب
أذكر جرح بجلاك خبـرني ما طـاب

همي الليالي اتعود واتعاتب أوياك
احجايه للشمات خلاني فركَـاك





منك سمعت الاه كثرت جراحـي
وشبيدي خوية اعليك كَصوا جناحي




يحمل وفى والطيب والرقه كلــها
أوكل مشكله ابهالكون بس يمه حلها




سبحان من خلاك تقسي ابغرامك
جانك اتداوي اجروح رق بكلامك



أرد أسـأل العشاك ليش آنه مشتــاك
نايم إبحضن إهـواي واشكي من الفراك


شحجي شكَل للناس من همي شحجي
مليان بالحسرات بس احجي ابجــي


عمداً أمر بالدار وأشبع مغمــه
وابجي بجي المفطوم ومفارك أمه


علمني عالنسيان ارد انسى ضيمـك
وي غيري كَمره اتصير بس حصتي ضيمك

چم سهم بالدلال يصعب عددهن
وجروحي دوم تزيد ياهو اليشدهن

شيصبر المجروح والجرحه يدي
خايف مع الايام تنگلب ضدي

اهتز واذوب بشوگ لو ذكروا اسمك
چا شنهو بيه ايصير لوشفت رسمك

والله حرام عليك لا تعت بيه
يوم الفراگ ايصير چنه المنيه

گلبي انشغل وياك ومعاند الروح
كف وبعد مابيه يتحمل اجروح

محبوبك ابغداد يسمع ونينك
يتمنه يمه اتصير عينه ويه عينك

سهرانه ليلي وياك وعيونك سراج
سجن الگلب يافلان ما منه افراج

ريت العمر شوباش ينطش عل احباب
والدمع دم يسيل لو صار الغياب

كحل العيون ايصير يوم الاشوفك
ما اگدر ابلياك لتظن اعوفك
الرجوع الى أعلى الصفحة اذهب الى الأسفل
 
بعض الدارميات الغزليه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ملتقى السماوة :: القسم الادبي :: دارميات و ابوذيات-
انتقل الى: