ملتقى السماوة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

ملتقى السماوة

ملتقى شباب وعشاق السماوة
 
الرئيسيةالتسجيلدخول

 

 قالو عن السماوة

اذهب الى الأسفل 
كاتب الموضوعرسالة
عذراء السماوة
مديرة المنتدى
عذراء السماوة

عدد الرسائل : 157
العمر : 34
نقاط : 25362
تاريخ التسجيل : 08/08/2007

قالو عن السماوة Empty
مُساهمةموضوع: قالو عن السماوة   قالو عن السماوة Icon_minitimeالأربعاء أغسطس 22, 2007 1:56 pm

الدارمي

*******
قاسم هـندي السماوي
qa2268@msn.com

***
ريشه بوسط ريشات جنحك اخذني
وبرض السماوه هناك ياطير ذبني
****
رﭽـفه وطحت للـﮔـاع هزتني الاشواﮒ
لرض السماوه الروح والـﮔـلب مشتاﮒ

****
هـم ابكبـر دنياك هـم السماوه
خلّصت عمري وياه دوم انتلاوه
*****
لرض السماوه جـروح بـﮔـيبي عـﭽـله
للشـرجي والمـشواچ وارض السـكـله
*****

ما ينوصـف ياناس هـم العليه
ﭽـي عفت آنه احباب بالحيدريه

****
هالليله دمـع العـين عـمدن لوشله
حـن الدليل اشتاﮒ لرضـچ يقشله
****
انخـه الله يا هالناس بالنبي وآلـه
ارجـع واشـم زهـور حي الرساله
****
حـط الـﮔـلب يا طير بجناحك وطير
وبس ساعـه وﭽـر بيه بم العصافير
****
رفرف بـﮔـلبي وطير ، خلني بمـﭽـاني
وذبه انته ساعـه هـناك يم ﮔـاع باني
****
حيل ارد ادﮒ عالراس خلوني ابجي
صاعـد بـﮔـلبي الشوﮒ لـﮔـاعك يشرجي
****
بجاه الله والكرار والحر والاكبر
لرض السماوه انعود مارايد اكثر
****
اهـل الكرم والطيب اهل المحنه
بالشده جرب شوف اهل المثنى
****
للشرجي واهله البيه واهل الكرامه
صار بسويد احشاي الهم علامه
****
للغربي والدبات والحيدريه
ﮔـامـت توج النار هالساعه بيه
****
للغربي لو رديت بخير وسلامه
عمدن لصب ادموع يم الكرامه
****
اطبج نهاري وياه لو ليلي ﮔـصّر
الطم وانوح عليك ياجسـر الأخضـر

****
ناذر نذر ياناس وشاهدي الساده
ارﮔـص لون رديت يم العياده
****
ارد انخه آنه الناس من اهل الولايه
تبوسلي وبحيطان عـجـد العرايه
****
بجاهـك يباب الجـود جعفـر الصادق
روحي ترد فـد يـوم لعـجـد الفنادق
****
لشخصك يداحي الباب اشـكي الهظايم
هم ترد عيني اتشوف ﮔـاع اهل ناظم
****
روحي اصبحت ياناس تكسر الخاطر
مشتهيه غبشه اتظوﮒ شوربة مسافر
****
ياهو اليـﮔـول بعيد عن السماوه
هذا آنه بالاحلام اسبح بساوه
****
لحد يـﮔـلي اشبيك من اﮔـعـد ابـﭽـي
حمل ارد اذب هموم يم الشكرﭽـي
****
بالغـسل والبستان عونه الـﮔـعد يوم
وبين النخل ياناس فرغهه الهموم
****
كل الشباب هناك ملتمه صوبين
ياهو التريده اتشوف بـﮔـازينة حسين
****
حـﮔـه اليحن ياناس بالحسره يشحط
جنـه وتـﮔـول هناك بالقشله عالشط
****
مختاضه روحي وياي والـﮔـلب مختاض
ﭽـين اشتهيت اليوم كبة ابو رياض
****
جرحي يطيب بساع تنخمد ناره
بالاخص لو رديت يم التجاره
****
للسكك هزني الشـوﮒ وچ ناره بيـه
وخلاهه كـوره تـﮔـول هاي المسيه
****
ﭽـن جنه عيني اتشوف والحوري اتطير
اشمحلاهه من تفوت بسـوﮒ النجاجير
****
لجسر الخشب مشتاﮒ ولدوبته النوب
مشتهي ﮔـعـده هناك وي خيط الغروب
****
تسوه الهند والصين والغرب كله
شمحلاهه من اتفوت بسوﮒ السـكله
****
يرﮔـص دليلي اليوم والعـﮔـل ﭽـن خف
ﭽـي هزته الاشواﮒ لسوﮒ المسـﮔـف
****
يالغربي هاي الروح عـتتني الك عـت
وانـﮔـر تـد ﮒ تريد يم ابو الشربت
****
جـنه الرميثه اتـﮔـول مامش مثلهه
فايز وحـﮒ عيناك من يرجع الهه
****
روحي آنه للأحزان صارت وريثه
من فارﮔـت ياناس ﮔـاع الرميثه
****
لكل كتر منهه اشتاﮒ لافشله لا عـيب
ماﭽـذبت مشتاﮒ لسوﮒ الـﮔـصاصيب
****
نعلعله ابو صدام نعلعله عـفـلـق
حـرّموا عيني اتشوف جسـر المعـلق
****
ﮔـلبي حمامة شـوﮒ وبشوﮔـه هايم
كـوّن يريد ايـبات عـد الظـوالـم
****
النخل السماوه اشتاﮒ صبح ومسيه
هـم نـرد نــﮔـعـد يـوم باليهـوديه
****
للمجد والوركاء والخضر آنه
وﮔـاع الرميثه ااشتاﮒ ودرب الحضانه
****
رفرف جناح الشوﮒ ماخـذني بيده
ياكل كباب ايريد ابمطعم عبيده
****
ﮔـص رايد بعشتار بيه العوافي
يادهر كافي افراﮒ يادهر كافي
****
روحي وشيعه الشـوﮒ خلبصهه خلبوص
ﭽـين اشتهـت هاليوم سمـﭽـات حلبوص
****
ياطير اخذ وياك ﮔـلبي وديعه
وبالغربي ذبه هناك يم الطليعه
****
صـبّحت روحي اليوم تضحك سعـيده
ﭽي حـدرت بالطيف يم الجديـّده
****
شـوﮔـي آنـه من جبال طاح وتدربه
للقشله للبستان يم عبد ربه



سيد مؤيد الصافي
ali_877@hotmail.com
*********
بجاه الله والكرار والما شرب ماي
لرض السماوه انعود طلبتنه بس هاي
****
هم ونرد ياناس ونشوف اهلنه
ونكحل العنين برض المثنى
****
عل الشرجي والطيبين روحي التون دوم
عافت لذيذ الزاد بس تجرع اسموم
****
مو مستحه ولا عيب لاهيه فشله
اليتبرك بطينات جرفـچ يقشله

****
غمـﮒ جروحي وحيل لظلوعي كسر
من ﮔـصه وياك البين يا جسر الاخضر

****
حبـچ ابنص احشاي انطبع تصوير
يمته افرح بملـﮔـاچ يم العـصافير
****
ارد انشد ابن جعاز واستمـع رايه
هم ترد عيني تشوف عـجد العرايه
****
للقشله مـر يا طـير بلغ التحـيه
وخبرهه ساهي العين يشـﭽـي الأذيه

****
الدهر شل عظاي طبرني تطبير
من كثر وني عليك سوﮒ النجاجير

هاشم جعاز السماوي
hashemali73@hotmail.com
****
تدري شـكثر مشتاﮒ لهل السماوه
بكـثر مـاي البات بنبـع سـاوه
****
اصرخ مثل ملدوغ والبيه بيه
وكلسا تعتني الروح للحيدريه
****
عشـوش ومحبه وطيب جمعت طيورك
ياشارع التجنيد عونه اليزورك
****
اتمنى هاي الروح يمكـم تسـّير
يلي سكنتوا بيوت صوب الزغـيّر
****
بغربه و ولاني الذيب صرت آنه شاته
ومخلاصي هسه بعـيد بعـجد باته
****
روحي بصبرهه تلوج وعيوني تربي
لشارع الستين ول هوه الغربي
****
قـلت الحيله وياي ما عـندي تدبير
ﭽـا آنه عفت احباب بم العصافير
****
تطلـّﮒ حزنهه الروح تصبح امعيّده
بيوم التمر بدروب ارض الجـديّده
****
عـدكم دوه لصواب ﮔـلبي ارد اهـيده
يسـعر لـوّن مر بيه طاري الجـديّده
****
كلسا يفر ويهيم مابيه اﮔـيده
ﮔـلبي الولاه الشوﮒ لرض الجديّده
****

ورداً على بيت سيد مؤيد الصافي المذكور اعلاه والذي يقول فيه

ارد انشد ابن جعاز واستمـع رايه
هم ترد عيني تشوف عـجد العرايه
الرد
بجاه الذي للشام راحـن سـبايه
تعيـش وترد وتشـوف عجـد العرايه

****

ورداً على بيت ابو رضا السماوي المذكور في ابيات ابو رضا والذي يقول فيه

ارد انشد ابن جعاز وبلا عـداوه
ياسر تحمله اربوع ﮔـاع السماوه

****
الرد
سر التحمله اربوع ﮔـاع السماوه
جمعت حضاره وريف طيب وبداوه


ابو رضا السماوي
aburdhaalsmawi@hotmail.com

حـﮔـهه السماوه اليوم جاريهه جـزّر
لاضل جسر دوبات لا جسر الأخضر
****
ملهوفه روحي اتريد والـﮔـلب مجمور
تتعـنه عصريات يم سـوﮒ ابو طيور
****
عودي ذبل ياناس بيه اليبوسه
واتحسر اعله افـراﮒ عجد السبوسه
****
يم سـوﮒ ابن حرجان اتمنه اروحن
اﮔـضي النهار هناك وي ليلي لو جن
****
خلوني ارد فد يوم للغربي شيصير
ارد اﮔـعد بدرجات سـوﮒ الصفافير
****
طاري السماوه بحين مر اعله ذاني
صك سمعي للمشواج بالي خذاني
****
ذكروني بالطيبات ناسيهن آنه
درب العشـﮒ لليوم خلف الحضانه؟
****
ها ولك وين اتريد يل حظه مغسـول
شوﮔـلي للغـربات رايح ولتـﮔـول
****
للفخر اي والله للهيبه حاوي
لمن تـﮔـلي الناس ها يالسماوي
****
شنهو الدوه الموصوف للعنده عله
ﮔـالولي سمـﭽـه ابياح من السكله
****
ارد انشد ابن جعاز وبلا عـداوه
ياسر تحمله اربوع ﮔـاع السماوه


الابوذيه
ابن السماوه
****
يراحاي تعال وشوف يالمبعـد يراحاي
صبح مـدهّ دمع عيني يراحاي
دﮔـن حـيل على الهامه يراحاي
عـفت ﮔـاع السماوه اشلون بيـه

مهند السماوي
*****
كلشي حسبته ايصير بس هذي متصير
ابتعـد عـنچ يوم يم العـصافير

عـامر عـنتوره
******
ﭽـرحـك طبر ﮔـصاب ﭽـرحـك يشرجي
ينزف ابد ماطاب لساعه يدي
*****
بالقشله الي مشوار ما اﮔـدر احـﭽـي
من اذكرهه والعباس بس اصفن ابـﭽـي
****
وانت شـكثر لوعـات يالحيدريه
ابـﮔـلبي الـچ نيشان لساعـه بيه


الرجوع الى أعلى الصفحة اذهب الى الأسفل
https://samawa.ahlamontada.com
sajahellol
ملك ملتقى السماوة
ملك ملتقى السماوة
sajahellol

عدد الرسائل : 504
العمر : 34
نقاط : 25389
تاريخ التسجيل : 09/08/2007

قالو عن السماوة Empty
مُساهمةموضوع: رد: قالو عن السماوة   قالو عن السماوة Icon_minitimeالأحد يناير 27, 2008 3:17 am






قالو عن السماوة 47الك ساس بعشرتي وياك صبيتقالو عن السماوة 47





قالو عن السماوة 47جنني الهوى وبالعشك صبيتقالو عن السماوة 47







قالو عن السماوة 47ان جان انت علي دموع صبيتقالو عن السماوة 47





قالو عن السماوة 47لك بجيت دموع من فركاك عليةقالو عن السماوة 47


قالو عن السماوة 47قالو عن السماوة 47قالو عن السماوة 47قالو عن السماوة 47قالو عن السماوة 47
الرجوع الى أعلى الصفحة اذهب الى الأسفل
misary
ملك ملتقى السماوة
ملك ملتقى السماوة
misary

عدد الرسائل : 752
العمر : 50
نقاط : 24789
تاريخ التسجيل : 09/12/2007

قالو عن السماوة Empty
مُساهمةموضوع: رد: قالو عن السماوة   قالو عن السماوة Icon_minitimeالجمعة فبراير 01, 2008 12:07 pm

قالو عن السماوة 4pcvvcj

قالو عن السماوة 0e0904e9ab


قالو عن السماوة W6w_20051018011313a8332c3c


قالو عن السماوة ArbShaRe-59346437
الرجوع الى أعلى الصفحة اذهب الى الأسفل
عاشقة الطبيعة
سماوي يشتغل
سماوي يشتغل


عدد الرسائل : 13
نقاط : 24090
تاريخ التسجيل : 27/02/2008

قالو عن السماوة Empty
مُساهمةموضوع: رد: قالو عن السماوة   قالو عن السماوة Icon_minitimeالخميس فبراير 28, 2008 3:49 pm

مشكور وردة
الرجوع الى أعلى الصفحة اذهب الى الأسفل
 
قالو عن السماوة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ملتقى السماوة :: القسم الادبي :: دارميات و ابوذيات-
انتقل الى: