ملتقى السماوة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

ملتقى السماوة

ملتقى شباب وعشاق السماوة
 
الرئيسيةالتسجيلدخول

 

 دارمي وابوذيات 100%100

اذهب الى الأسفل 
كاتب الموضوعرسالة
قوت القلوب
تاج ملتقى السماوة
تاج ملتقى السماوة
قوت القلوب

عدد الرسائل : 443
العمر : 36
نقاط : 25275
تاريخ التسجيل : 11/08/2007

دارمي وابوذيات 100%100 Empty
مُساهمةموضوع: دارمي وابوذيات 100%100   دارمي وابوذيات 100%100 Icon_minitimeالإثنين مارس 24, 2008 3:28 pm

وحده التضل للغير أواحده التوافي
أشرب واريـد ساك واسكر واذكـرك
مو بالعظم ويطيــب بالكًلب كســرك.....
كل مرض لامابيك ياخويا محسود اوحق اليحسدك داخ بعيونك السود
منك سمعت الاه كثرت جراحـي وشبيدي خويا اعليك قصوا جناح
كل مرض لامابيك ياخويا محسود اوحق اليحسدك داخ بعيونك السود
لم جرحك أو للبيت قوم امشي ويـاي وامشي ابدلال أرجوك لاتشمت اعداي
كَـالولي ولفـك راح كَلتلهم أبعدكَـالو صعد للغيـم كَلتلهم أصعد
من كثر حر الضلع أحترقن هدوميوتسعين ناقة وجمل ماشالن همومي
شحجي شقول للناس من همي شحجي مليان بالحسرات بس احجي ابجــي
اجلد ابممشاي ناحل ترانــــي خوفي من الشمات مو من زماني
أتجدب علي واتقول , اسمع كلامك وانا ابطيب القلب امشي ابمرامــك
عفيه كَلب مَيليــن من يسمـع إبجـاي لو من صخر هم جـان لان وغده مـاي
شامت وقف بالباب حاير شقـــله حيل ابجي عالمكسور أو دمعي هله الرد
حيل ابجي عالمكسور حيل ارفس القاع اولا تنكسر جدام شماتك ابســــاع

شلونـك.. شلون الدار .. وشلون الأحباب

أذكر جرح بجلاك خبــرني ما طــاب

مر والمراره البيك محد حواهـــا أو روحي اشتهت ملقاك عفيه اشقواها
الرد
روحي اشتهت ملقاك رغم المراره أو بجفوفك الدلال شيطفي نــاره
متعني للعبـاس أشكي الهظايـــم
الواشي قبلي بيـوم بالحظره نايـم

متعني للعباس أبجي إبحظرتـه
والينكسـر بهواه شنهو جبرتـه

قلنا دلال إيجوز وتحمليـــــناأو ماندري بيه مغرور يلعب علينا
الرد
ألعب عليك إشلون وانت أعز مني أو صدقني مو مغرور يالتتهمـني
بطلت ممشى الحيل قمت أمشي تاته أومثل اليقودن بيه أمه أو خـواتـه
لو ممشى عشر اسنين أمشيها واكثر ماأتعب وما جوز من حب الأسمـر
حسبالي خوش وليد وسلمتك الروح
طلعت عقرب تلدغني وتريد اتروح


نحيل الجسم من بعدك تراني
واريدك دوم بعيونك تراني
افكر بيك كل ساعه تره اني
احبك حيل يل كلك اليه

كلبي ما لعب غيره لعابه
واحسن دوه لامراضي لعابه
سبحانه الذي صاغه لعابه
ونفخ بي روح حتى يعم عليه

مثل عباس مايحصل وجوده
ساكي الخيم بجفوفه وجوده
ركيزة بالحرب ساعة وجوده
تصيح الغوث منه الغاضرية


الغاضرية تعني كربلاء واتمنى تعجبكم


تطش روحي ابدرب اضلم ولمهة
ونة الحاير بالامي والمهة
ابوهة كل ذنب مالة ولا امهة
الذنب ذنبي هويت ابلا وعية


صرت كهوة الحبيبي بوسط فنجان
وفن انس الي يوصله فن جان
اذا العاقل نضرلك نضره فنجن
انا المجنون وتكلي انضر اليه


وحك اهل الوفه والملح والزاد
الكرم افضل معاني الشيم والزاد
حلالي مايهمني النقص والزاد
تهمني الناس شتسولف عليه

-----------------------

افرح لو شفت وجهك وسر بيه
وحبك بالكلب ثابت وسر بيه
شماطال الدرب امشي وسر بيه
واجيب الروح لعيونك هديه

شطر من كلبي أخذة ومنة خل تك
وبعد شترجة كاعد من نخلتك
على الغربيل أعاين من نخلتك
طحت مني كبل لا هز أديــة

لشاعر الناصري علي القيصر

على زعلك ما اكدر تراني
وكلبي من جفاك تراه ني
لو تحط عينك بعيني وتراني
جسد متشوف بس النفس بيه.


كافي من الالم
ولك بس
كلبي ما عشك غيرك
ولك بس
من هجرك صحت بألم
ولك بس
تصد ليش يالغالي علية.



ابنار الهجر يامهجه دموعاي
على مصابي السمه يمطر دموعاي
اشما هلن يدندوشه دموعاي
حسناتج تبدل بالف سيه

الزمان شكال لبنادم يراوي
اخذ مني قصص واكتب يراوي
انا الربيتهم طلعو يراوي
كبرو وتعلمو عضات بيه


انه اول احبك واخر اني
والسبب عطلني صدك واخراني
الكلب من ردت اشبكك وخراني
وركض هوة يشبكك قبل ادية


سماح اطلب انه منكم وهدنه...
كمش بيد التعورونه وهدنه...
جبل راكع خجل جيتك وهدنه...
اصير ترابب وانت اسحك عليه...



زبد يا ملمس الوجنه ... من الحر
اخاف تموع من تمشي ... من الحر
ابنادم صورك ربك .... من الحر
وانه الدافع ثمن هاي البليه

وكع كلبي بغرامك ماتشيلة
ترى كلبي تعذب ماتشيلة
اخابر وانت تسمع ماتشيلة
وينك ياحلو بس رد علية


يحلوا الاطباع واصلني وقارب
ماعندي اهل غيرك وقارب
سفينة بالبحر ردتك وقارب
تشيل الحمل من يصعب علية

وجه الضيف من جاني وسم بيه.
وجب الزاد ياخلي وسم بيه .
لصب زرنيخ ماعونك وسم بيه.
لأن خنت الصداقه وخنت بيه..


احلى من البدر يا اسمر وصفناك
ولكل مريض انته الدوه وصفناك
يا حافظ الله يسترنه وصفناك
كلي اشتعل من تصفن عليه



يظل حبك ترى بكلبي
علي دين
وعهد للموت ما انساك
علي دين
ولولا البعد لمشي لك
على ايدين
تفداك الروح ياغالي علية

وحك الي بضريحه انصار طافت
الديار الهجرهة الولف طافت
شلون انجا وسفينة نوح طافت
اذاامنت الجرف ونهدم بيه



العشك بيه انختم بسمك وتم لك
يمن تامر عرش روحي وتملك
احس الناس جن خدم وتملك
واحسك تامر بروحي عليه

.... .... .... .... ........


_________________
دارمي وابوذيات 100%100 Image-83e022c936
يا سنين عمري كفاية حزن يا سنيني
الرجوع الى أعلى الصفحة اذهب الى الأسفل
https://samawa.ahlamontada.com
thaer lebanon
سماوي يشتغل
سماوي يشتغل
thaer lebanon

عدد الرسائل : 47
العمر : 42
نقاط : 23670
تاريخ التسجيل : 22/05/2008

دارمي وابوذيات 100%100 Empty
مُساهمةموضوع: رد: دارمي وابوذيات 100%100   دارمي وابوذيات 100%100 Icon_minitimeالإثنين يونيو 09, 2008 6:40 am

[sizeشلتك دمع بالعين يوم العرفتك *** ومحد وصـف محبوب كدما وصفتك
=29][/size]
الرجوع الى أعلى الصفحة اذهب الى الأسفل
 
دارمي وابوذيات 100%100
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ملتقى السماوة :: القسم الادبي :: دارميات و ابوذيات-
انتقل الى: